Enologiaren etorkizuna ulertzeko ezinbestekoa da sektoreko azken berrikuntzak gertutik ezagutzea. Horregatik, beste urte batez, Enologia Berritzaileko Masterreko ikasleek Víctor Puente, Laffort Iberica enpresako zuzendari teknikoaren eskutik prestakuntza-saio berezi batean parte hartu dute.

Saioan, ikasleek ez-Saccharomyces legamiek ardoaren kalitatean, konplexutasunean eta ezaugarri sentsorialetan duten eragina aztertu dute, dastaketa dinamiko eta parte-hartzaile baten bidez. Jarduerak aukera eman die mikrobiologiaren azken berrikuntzak eta gaur egungo enologiaren joerak modu praktikoan ezagutzeko.

Esperientzia hauek Masterraren prestakuntza-ereduaren parte dira. Bere ibilbide sendoari eta prestigioari esker, Masterrak nazioarteko erreferente diren enpresak eta profesionalak ikasgelara ekartzen ditu, ikasleei sektoreko berrikuntza gertutik ezagutzeko aukera eskainiz.

Enologia Berritzaileko Masterra UPNAk, EHUk eta Université de Bordeaux unibertsitateek eskaintzen dute, eta nazioarteko titulazio bikoitza lortzeko aukera ematen du.

Kimika, Elikagaien Zientzia eta Teknologia, Biologia, Bioteknologia edo antzeko titulazioetako graduatuentzat, Master honek prestakuntza zientifikoa, praktikoa eta nazioartekoa eskaintzen du, ardogintzaren sektorean espezializatzeko.